الفيسبوك بقى جزء لايتجزأ من حياتنا وما اعتقدش ان فى حد يقدر يستغنى عن الفيسبوك فى العصر الحالى, لكن لو ماعندكش فيسبوك او الفيسبوك مش موجود اصلا حياتنا هاتبقى عاملة ازاى.
حياتك هاتتغير
فى دراسة اثبتت ان حوالى 70% من مستخدمى الفيسبوك فى الشرق الاوسط وصل اهتمامهم بالفيسبوك لحد الادمان وده خلاهم ينعزلوا عن العالم نهائيا ومابقاش عندهم ادراك لاي حاجة حواليهم وبالتالى قل دورهم الايجابى فى المجتمع اللى هما عايشين فيه, يعنى لو الفيسبوك ماكانش موجود كانت الناس دى خرجت للنور وبدات تمارس دورها الطبيعي فى الحياة.
هاتركز فى حاجة تانية
الوقت اللى بتضيعه على الفيس فى الشات واللايكات ومتابعة الاصدقاء ممكن تستغله فى حاجة مفيدة يعني مثلا ممكن تقرا كتاب تاخد كورسات او تلعب رياضة اي حاجة مفيدة غير انك تقضى وقتك بشكل سلبي على الفيسبوك.
هاتحس انك فرحان
فى دراسة اثبتت ان الفيسبوك من اكتر الحاجات اللى ممكن تجيب اكتئاب يعني مثلا لو نزلت بوست وماحدش علق عليه او عملك لايك تتضايق وخصوصا لما تشوف واحد صاحبك غرقان لايكات وتعليقات او لما تعرف ان عنده اصدقاء اكتر منك هايجيلك احباط ,ارمى كل ده ورا ظهرك والغى اكونت الفيسبوك بتاعك هاتلاقى نفسك عندك احساس كبير بالراحة النفسية والفرحة.
0 التعليقات:
إرسال تعليق